英國公司Coexist設立每月M假(Period Leave)，呢個新舉措係想發掘女性員工的「自然節奏」，要創造一個更快樂、更高效率的工作環境咁話！

今年40歲的公司董事Bex Baxte話自己多年來管理過好多女性同事，自己亦係女人，非常清楚同了解女人M到時仲要忍痛工作的心情。亦曾有女性同事同Bex表示自己羞於承認M痛，所以死撐堅守崗位都唔敢講．．．
Bex希望可以打破呢種恥辱感，等更多人尊重同了解女性，所以設立Period Leave鼓勵佢地返屋企休息，希望員工能夠感受到公司對佢地的重視，好好休息後，更積極同公司一齊發展同努力！

其實"Period Leave" 都唔係新野。
日本早於1947年已經有，後來其他國家如韓國、印尼等都有地方法律比女人放月經休假。
最近，中國安徽省都法律通過比女性每月月經期間放假，但要有醫生紙證明啦！

其實女人唔一定每次M到都好痛好辛苦，但如果可以得到身邊朋友或同事的體諒同關心，相信就算無假放都可以堅持住啦！






資料來源：www.news.com.au

---